Աշխատակիցների նկատմամբ սեռական ոտնձգությունների և խտրականության համար Ցուկերբերգին ու նրա կնոջը դատի են տվել

Աշխատակիցների նկատմամբ սեռական ոտնձգությունների և խտրականության համար Ցուկերբերգին ու նրա կնոջը դատի են տվել

«Ֆեյսբուք» սոցիալական ցանցի հիմնադիր Մարկ Ցուկերբերգի երկու աշխատակիցները նրա և նրա կնոջ՝ Պրիսցիլլա Չանի նկատմամբ դատական հայց են ներկայացրել՝ իրենց գործատուներին մեղադրելով սեռական ոտնձգությունների և խտրականություն ցուցաբերելու մեջ, հայտնում է NBC հեռուստաընկերությունը։

Դատական հայցը ներկայացվել է սեպտեմբերի 20-ին, բայց այդ մասին հայտնի է դարձել միայն երեկ՝ հոկտեմբերի 26-ին։ Հայցվորներն են Ջոն Դոուն, որը 2017 թվականի հունվարից մինչև 2019-ի մարտը Ցուկերբերգի տան կառավարիչն է եղել, ինչպես նաև Միա Քինգը, որ 2018 թվականի մայիսից մինչև 2019 թվականի փետրվարը աշխատել է Ցուկերբերգի ընտանիքի անվտանգությունն ապահովող «Limitless Specialty Services LLC» ընկերությունում։

Համաձայն դատական հայցի՝ Ցուկերբերգն ու նրա կինը մեղադրվում են ոչ միայն սեռական ոտնձգություն կատարելու և խտրականություն ցուցաբերելու մեջ, այլև աշխատակիցներին հասանելիք աշխատավարձը ժամանակին չվճարելու։

Ինչպես հայտնում է NBC հեռուստաընկերությունը, «Facebook» ընկերությունն այս պրոցեսում ներգրավված չէ։ Դատարանը նշված գործով լսումներ չի նշանակել, Ցուկերբերգ ընտանիքի ոչ մի ներկայացուցիչ դատարանի առջև պաշտոնական պարզաբանումներով հանդես չի եկել։

Կիսվել սոցիալական ցանցերում