Ադրբեջանական կողմի կրակոցից Կոթի գյուղի բնակիչ է վիրավորվել, նրա վիճակը լավ է.Tert.am

Նոյեմբերյանի տարածաշրջանի Կոթի գյուղի բնակիչ, 1957թ. ծնված Սուրեն Սեփխանյանը գյուղամիջում հրազենային վնասվածք է ստացել ադրբեջանական կողմի կրակոցից:

Նա գտնվում է Նոյեմբերյանի բժշկական կենտրոնում:

Այս մասին Tert.am-ի հետ զրույցում ասաց վիրաբուժության բաժնի հերթափոխային բուժքույրը՝ նշելով, որ Սեփխանյանն իրեն լավ է զգում:

«Նա հրազենային վնասվածք է ստացել աջ ոտքի ծնկի հատվածում: Կրակոցը ստացել է գյուղում, ինչից հետո տեղափոխվել է բժշկական կենտրոն: Կատարվել է բժշկական միջամտություն, քաղաքացին իրեն լավ է զգում»,- ասաց բուժքույրը:

Վարչապետ Նիկոլ Փաշինյանն հեռախոսով զրուցել է Սուրեն Սեփխանյանի հետ։

Այս մասին նա վարչապետը գրել է ֆեյսբուքյան իր էջում։

«Հենց նոր հեռախոսով զրուցեցի Կոթիում վիրավորված Սուրեն Սեփխանյանի հետ:

Ոտքից է վիրավորվել, ոսկորը չի վնասվել: Ասում էր՝ լավ է: Ինձ ասում էր՝ դուխդ չգցես»,– գրում է վարչապետ Փաշինյանը։

Կիսվել սոցիալական ցանցերում

Թողնել պատասխան

Ձեր էլ-փոստի հասցեն չի հրապարակվելու։